… sytë,
…kur një qytetar vjen në zyrën time,
Ajo që më bie në sy janë sytë e tij,
…sy që vijnë zvarrë dhomës e mezi presin të dalin menjëherë,,
Si një hajdut që nuk do ta shikojnë për atë c`ka marrë,
E pafolur të thonë: “erdha të marr, atë cikë pjesë që më takon,
atë pjesë të vogël që më mban frymën gjallë,
e më ka bërë lypsarë këtij sistemi,
atë pjesë të vogël, që më mashtroi në fill…im duke mi siguruar të gjitha,
e që unë mendova se isha në parajsë,
ea kuptuar, dikur vura re se me kohën nuk ikën vetëm vitet,
por vullneti im, aftësitë e mia
as veten t`ime nuk e njoh më,
të vetmen gjë që njoh është kjo zyrë që më mban me thërrime,
si një tempull i shenjtë të vobektit e saj,
e ku pakuptuar pse, të vij nuk kam dëshirë”.
…kur një qytetar hyn në zyrën time,
ajo që më bie në sy janë sytë e tij,
sy të pagjumë,
së turpshëm,
të paturpshëm,
sy që të flasin pafolur,
e largohen diku, gjith dëshpërim.